2015 جىلعى 24 ماۋسىم, استانا قالاسى
حالىقتىڭ دەكرەتتەلگەن توبىنداعى ادامداردى گيگيەنالىق وقىتۋ
قاعيدالارىن جانە حالىقتىڭ دەكرەتتەلگەن توبىنداعى ادامداردى
گيگيەنالىق وقىتۋ باعدارلامالارىن بەكىتۋ تۋرالى
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسى كودەكسىنىڭ 148-بابىنىڭ 5-تارماعىنا سايكەس بۇيىرامىن:
1. مىنالار:
1) وسى بۇيرىققا 1-قوسىمشاعا سايكەس حالىقتىڭ دەكرەتتەلگەن توبىنداعى ادامداردى گيگيەنالىق وقىتۋ قاعيدالارى;
2) وسى بۇيرىققا 2-قوسىمشاعا سايكەس حالىقتىڭ دەكرەتتەلگەن توبىنداعى ادامداردى گيگيەنالىق وقىتۋ باعدارلامالارى بەكىتىلسىن.
2. قازاقستان رەسپۋبليكاسى ۇلتتىق ەكونوميكا مينيسترلىگىنىڭ تۇتىنۋشىلاردىڭ قۇقىقتارىن قورعاۋ كوميتەتى زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن;
3) وسى بۇيرىقتىڭ قازاقستان رەسپۋبليكاسى ۇلتتىق ەكونوميكا مينيسترلىگىنىڭ رەسمي ينتەرنەت-رەسۋرسىندا ورنالاستىرىلۋىن قامتاماسىز ەتسىن.
3. مىنالاردىڭ:
1) «حالىقتىڭ دەكرەتتەلگەن توپتارىنا اتتەستاتتاۋ جۇرگىزۋ ەرەجەسىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2009 جىلعى 24 قاراشاداعى № 770 بۇيرىعىنىڭ (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5886 بولىپ تىركەلگەن, 2010 جىلعى 20 ناۋرىزداعى № 1 قازاقستان رەسپۋبليكاسىنىڭ ورتالىق اتقارۋشى جانە باسقا دا ورتالىق مەملەكەتتىك ورگاندارىنىڭ اكتىلەر جيناعىندا جاريالانعان);
2) «حالىقتىڭ دەكرەتتەلگەن توپتارىنا اتتەستاتتاۋ جۇرگىزۋ ەرەجەسىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2009 جىلعى 24 قاراشاداعى № 770 بۇيرىعىنا تولىقتىرۋلار جانە وزگەرىستەر ەنگىزۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىسىنىڭ 2010 جىلعى 6 قازانداعى № 793 بۇيرىعىنىڭ (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6620 بولىپ تىركەلگەن, 2011 جىلعى 18 قاڭتارداعى № 12-13 (26415) «ەگەمەن قازاقستان» رەسپۋبليكالىق گازەتىندە جاريالانعان) كۇشى جويىلدى دەپ تانىلسىن.
4. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ۇلتتىق ەكونوميكا ۆيتسە-مينيسترىنە جۇكتەلسىن.
5. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسى ۇلتتىق ەكونوميكا ءمينيسترى ە. دوساەۆ
قازاقستان رەسپۋبليكاسى ۇلتتىق ەكونوميكا ءمينيسترىنىڭ
2015 جىلعى 24 ماۋسىمداعى №449 بۇيرىعىنا 1-قوسىمشا
حالىقتىڭ دەكرەتتەلگەن توبىنداعى ادامداردى گيگيەنالىق وقىتۋ قاعيدالارى
1. جالپى ەرەجەلەر
1. وسى حالىقتىڭ دەكرەتتەلگەن توبىنداعى ادامداردى گيگيەنالىق وقىتۋ قاعيدالارى (بۇدان ءارى – قاعيدا) «حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسى كودەكسىنىڭ (بۇدان ءارى – كودەكس) 148-بابىنىڭ 5-تارماعىنا سايكەس ازىرلەنگەن, حالىقتىڭ دەكرەتتەلگەن توپتارىن گيگيەنالىق وقىتۋدى جۇرگىزۋ ءتارتىبىن جانە باعدارلاماسىن ايقىندايدى. وسى قاعيدالاردى مەنشىك نىسانىنا قاراماستان جەكە جانە زاڭدى تۇلعالار ورىنداۋعا مىندەتتى.
2. وسى قاعيدالاردا مىناداي نەگىزگى ۇعىمدار پايدالانىلعان:
1) جەكە مەديتسينالىق كىتاپشا – جۇمىسقا جىبەرىلۋ تۋرالى بەلگى قويىلىپ, مىندەتتى مەديتسينالىق قاراپ-تەكسەرۋدىڭ ناتيجەلەرى ەنگىزىلەتىن جەكە قۇجات;
2) حالىقتىڭ دەكرەتتەلگەن توبى – حالىققا قىزمەت كورسەتۋ سالاسىندا جۇمىس ىستەيتىن جانە اينالاسىنداعى ادامدارعا ينفەكتسيالىق جانە پارازيتتىك اۋرۋلار جۇقتىرۋدىڭ اناعۇرلىم ىقتيمال قاۋپىن توندىرەتىن ادامدار;
3) حالىقتىڭ دەكرەتتەلگەن توبىن اتتەستاتتاۋ (ەمتيحان) – حالىققا قىزمەت كورسەتۋ سالاسىندا جۇمىس ىستەيتىن, اينالاسىنداعىلارعا ينفەكتسيالىق جانە پارازيتتىك اۋرۋلار جۇقتىرۋ قاۋپىن توندىرەتىن قىزمەتكەرلەردىڭ بىلىمدەرىنىڭ جانە بىلىكتىلىگىنىڭ سايكەستىك دەڭگەيىن ايقىنداۋ;
4) حالىقتىڭ دەكرەتتەلگەن توبىن گيگيەنالىق وقىتۋ – حالىقتىڭ دەكرەتتەلگەن توبىن ينفەكتسيالىق اۋرۋلاردىڭ الدىن الۋعا, وبەكتىلەردى كۇتىپ ۇستاۋعا, پايدالانۋعا جانە ورنالاستىرۋعا قويىلاتىن گيگيەنالىق جانە سانيتاريالىق-ەپيدەميولوگيالىق تالاپتاردى, ءبىلىم الۋشىلاردىڭ كاسىپتەرىنە سايكەس جەكە جانە قوعامدىق گيگيەنانى ساقتاۋعا وقىتۋ;
5) ەپيدەميالىق ماڭىزى بار وبەكتىلەر – قازاقستان رەسپۋبليكاسىنىڭ حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى زاڭناماسىنىڭ تالاپتارى بۇزىلعان كەزدە وندىرەتىن ءونىمى جانە (نەمەسە) قىزمەتى حالىق اراسىندا تاماقتان ۋلانۋدىڭ جانە (نەمەسە) ينفەكتسيالىق, پارازيتتىك اۋرۋلاردىڭ پايدا بولۋىنا اكەپ سوعۋى جانە (نەمەسە) ونەركاسىپتىك جانە راديواكتيۆتى لاستانۋدان حالىق دەنساۋلىعىنا زيان كەلتىرۋى مۇمكىن وبەكتىلەر (بۇدان ءارى – وبەكت).
2. گيگيەنالىق وقىتۋعا جاتاتىن كاسىپتەردىڭ تىزبەسى
3. حالىقتىڭ دەكرەتتەلگەن توبى كاسىپتىك قىزمەت تۇرلەرىمەن ايقىندالادى, اتاپ ايتقاندا:
1) تاماق ونىمدەرىن ءوندىرۋ, ساقتاۋ, وتكىزۋ, كادەگە جاراتۋ جانە جويۋ پروتسەسىندە ولارمەن جاناساتىن جۇمىستار, ونىڭ ىشىندە مۇكاممالدى, جابدىقتاردى سانيتاريالىق وندەۋ جانە جوندەۋ بويىنشا جۇمىستار, سونداي-اق ولاردى كولىكتەردىڭ بارلىق تۇرلەرىندە تاسىمالداۋ كەزىندەگى جۇمىستار;
2) جولاۋشىلارعا قىزمەت كورسەتۋ سالاسىنداعى (تەمىرجول ۆوكزالدارىنداعى, اەروۆوكزالدارداعى, اۋەجايلارداعى, تەڭىز جانە وزەن ۆوكزالدارىنداعى, اۆتوۆوكزالدارداعى, مەتروپوليتەندەردەگى) جۇمىستار;
3) ەمدەۋ-پروفيلاكتيكالىق ۇيىمدارىنداعى, ساناتوريلەردەگى, دەمالىس ۇيلەرىندەگى, پانسيوناتتارداعى, ينتەرناتتارداعى جانە مۇگەدەكتەر مەن قارتتار ۇيلەرىندەگى جۇمىستار;
4) تۇرمىستىق قىزمەت كورسەتۋ سالاسىنداعى (مونشالار, سەبەزگىلەر, ساۋنالار, باسسەيندەر, سۋمەن ەمدەۋ ورىندارى, بالشىقپەن ەمدەۋ ورىندارى, سپورتتىق-ساۋىقتىرۋ ۇيىمدارى, شاشتارازدار, كوسمەتولوگيالىق سالوندار, كىر جۋاتىن ورىندار, حيميالىق تازارتۋ ورىندارى, قوناقۇيلەر, موتەلدەر, جاتاقحانالار, كەمپينگتەر) جۇمىستار;
5) ءبىلىم بەرۋ سالاسىنداعى جۇمىستار;
6) بالالار مەن جاسوسپىرىمدەردىڭ ماۋسىمدىق ساۋىقتىرۋ ۇيىمدارىنداعى جۇمىستار (ماۋسىم باستالار الدىندا);
7) مەكتەپكە دەيىنگى ۇيىمداردىڭ, مەكتەپ-ينتەرناتتاردىڭ, بالالاردىڭ جىل بويعى ساناتوريالىق ساۋىقتىرۋ ۇيىمدارىنىڭ, بالالار ۇيلەرىنىڭ, وتباسىلىق ۇلگىدەگى ۇيلەردىڭ جۇمىستارى;
8) دارىلىك زاتتاردىڭ, مەديتسينالىق ماقساتتاعى بۇيىمداردىڭ جانە مەديتسينا تەحنيكاسىنىڭ اينالىمى سالاسىنداعى جۇمىستار;
9) تىكەلەي سۋدى دايىنداۋمەن, سۋ قۇبىرى جەلىلەرىنە قىزمەت كورسەتۋمەن, وندىرىستىك زەرتحانالاردى, سۋىق جانە ىستىق سۋمەن جابدىقتاۋ جانە كارىز وبەكتىلەرىن پايدالانۋمەن بايلانىستى سۋ قۇبىرى قۇرىلىستارىنداعى جۇمىستار.
3. حالىقتىڭ دەكرەتتەلگەن توبىن گيگيەنالىق وقىتۋدى جانە
اتتەستاتتاۋدى (ەمتيحاندى) جۇرگىزۋ ءتارتىبى
4. حالىقتىڭ دەكرەتتەلگەن توبىن گيگيەنالىق وقىتۋ جانە اتتەستاتتاۋ (ەمتيحان) جۇمىسقا تۇرۋ كەزىندە جانە ودان ءارى جىلىنا ءبىر رەت كەزەڭدىلىگىمەن جۇرگىزىلەدى.
5. حالىقتىڭ دەكرەتتەلگەن توبىنىڭ ادامدارىن گيگيەنالىق وقىتۋ جونىندەگى قىزمەتتى «رۇقساتتار مەن حابارلامالار تۋرالى» 2014 جىلعى 16 مامىرداعى قازاقستان رەسپۋبليكاسىنىڭ زاڭىنا سايكەس حابارلاما جاساۋ تارتىبىندە جەكە نەمەسە زاڭدى تۇلعالار جۇزەگە اسىرادى.
6. گيگيەنالىق وقىتۋدان وتۋمەن بايلانىستى شىعىستاردى حالىقتىڭ دەكرەتتەلگەن توبى دەربەس كوتەرەدى نەمەسە تاراپتاردىڭ كەلىسىمى بويىنشا گيگيەنالىق وقىتۋ شىعىستارىن وبەكتىنىڭ باسشىسى جۇمسايدى.
7. گيگيەنالىق وقىتۋدى جانە اتتەستاتتاۋدى (ەمتيحاندى) جۇرگىزۋگە تارتىلاتىن ادامنىڭ (بۇدان ءارى – جاۋاپتى تۇلعا) سانيتاريالىق-ەپيدەميولوگيالىق بەيىندە ارنايى مەديتسينالىق ءبىلىمى بولادى.
8. گيگيەنالىق وقىتۋدى جانە اتتەستاتتاۋدى (ەمتيحاندى) جۇرگىزۋگە ارنالعان وقۋ ءۇي-جايلارى كوپ فۋنكتسيونالدى عيماراتتار جانە جەكە كىرەتىن ەسىگى بار وزگە دە ماقساتتاعى عيماراتتار قۇرامىنداعى جەكە ءۇي-جايلاردا ورنالاستىرىلادى.
وقۋ ءۇي-جايلارىنىڭ ميكروكليماتى, جارىقتاندىرۋ دەڭگەيلەرى, سونداي-اق اسپاپتار مەن جابدىقتاردىڭ شۋىلى, ءدىرىلى, ەلەكتر-ماگنيتتىك ساۋلەلەنۋ دەڭگەيلەرى نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 11147 بولىپ تىركەلگەن, قازاقستان رەسپۋبليكاسى ۇلتتىق ەكونوميكا ءمينيسترىنىڭ 2015 جىلعى 28 اقپانداعى № 169 بۇيرىعىمەن بەكىتىلگەن, ادامعا اسەر ەتەتىن فيزيكالىق فاكتورلارعا قويىلاتىن گيگيەنالىق نورماتيۆتەرگە سايكەس كەلەدى.
9. حالىقتىڭ دەكرەتتەلگەن توپتارىنىڭ ادامدارىن گيگيەنالىق وقىتۋ كودەكستىڭ 148-بابىنىڭ 5-تارماعىنا سايكەس حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى مەملەكەتتىك ورگان بەكىتەتىن حالىقتىڭ دەكرەتتەلگەن توپتارىن گيگيەنالىق وقىتۋ باعدارلامالارى بويىنشا جۇرگىزىلەدى.
10. ساباقتاردىڭ باعدارلاماسى ءبىلىم الۋشىلاردىڭ كاسىپتەرىنە سايكەس كەلەدى. حالىقتىڭ ءارتۇرلى دەكرەتتەلگەن توپتارىنا ارنالعان گيگيەنالىق وقۋدى بىرىكتىرۋگە جول بەرىلمەيدى.
11. گيگيەنالىق وقىتۋدان وتكەننەن كەيىن تەستتىك باقىلاۋ تۇرىندە اتتەستاتتاۋ (ەمتيحان) جۇرگىزىلەدى.
12. حالىقتىڭ دەكرەتتەلگەن توپتارىن گيگيەنالىق وقىتۋدى جانە اتتەستاتتاۋدى (ەسمتيحاندى) جۇزەگە اسىراتىن جەكە نەمەسە زاڭدى تۇلعالار تەستتىڭ سۇراقتارىن ازىرلەيدى جانە بەكىتەدى.
13. وڭ ناتيجە كەزىندە جەكە مەديتسينالىق كىتاپشانىڭ 12-بولىمىنە (نىسانى قازاقستان رەسپۋبليكاسىنىڭ ۇلتتىق ەكونوميكا ءمينيسترىنىڭ مىندەتىن اتقارۋشىنىڭ 2015 جىلعى 24 اقپانداعى № 126 بۇيرىعىمەن بەكىتىلگەن, نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە № 10638 بولىپ تىركەلگەن) ءمورتابان تۇرىندە وقىعانى جانە اتتەستاتتالعانى تۋرالى ءتيىستى بەلگى ەنگىزىلەدى جانە جاۋاپتى تۇلعانىڭ قولىمەن بەكىتىلەدى.
جەكە مەديتسينالىق كىتاپشاعا گيگيەنالىق اتتەستاتتاۋ ناتيجەلەرىن ەنگىزۋگە ارنالعان ءمورتاباننىڭ نىسانى وسى قاعيدالارعا 1-قوسىمشادا بەلگىلەنەدى.
14. اتتەستاتتاۋدىڭ (ەمتيحاننىڭ) قاناعاتتانارلىقسىز ناتيجەسى كەزىندە جەكە مەديتسينالىق كىتاپشاعا بەلگى قويىلمايدى.
15. ءاربىر اتتەستاتتالۋشىعا تەستتى كەلەسى كۇنى قايتا تاپسىرۋ مۇمكىندىگى بەرىلەدى.
16. كەيىننەن قايتا اتتەستاتتالا (ەمتيحان تاپسىرا) وتىرىپ, گيگيەنالىق وقىتۋدى قايتادان وتۋگە:
1) كەزەكتى اتتەستاتتاۋدان (ەمتيحاننان) وتپەگەن تۇلعالار;
2) اعىمداعى سانيتاريالىق قاداعالاۋ بارىسىندا حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى مەملەكەتتىك ورگان ۆەدومستۆوسىنىڭ لاۋازىمدى تۇلعالارى انىقتاعان حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى قولدانىستاعى زاڭنامانىڭ بۇزىلۋىنا جول بەرگەن تۇلعالار جاتادى.
17. جەكە جانە زاڭدى تۇلعالار حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى مەملەكەتتىك ورگان ۆەدومستۆوسىنىڭ اۋماقتىق بولىمشەلەرىنىڭ سۇراۋ سالۋى بويىنشا گيگيەنالىق وقىتۋ جانە اتتەستاتتاۋ (ەمتيحان) جونىندە اقپارات ۇسىنادى.
18. حالىقتىڭ دەكرەتتەلگەن توپتارى ادامدارىنىڭ حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن جانە گيگيەنالىق نورماتيۆتەرىن ءبىلۋىن «قازاقستان رەسپۋبليكاسىنداعى مەملەكەتتىك باقىلاۋ جانە قاداعالاۋ» 2011 جىلعى 6 قاڭتارداعى قازاقستان رەسپۋبليكاسىنىڭ زاڭىنا سايكەس جۇرگىزىلەتىن تەكسەرۋلەر بارىسىندا حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى مەملەكەتتىك ورگان ۆەدومستۆوسىنىڭ اۋماقتىق بولىمشەلەرىنىڭ لاۋازىمدى تۇلعالارى تەكسەرەدى جانە سانيتاريالىق-ەپيدەميولوگيالىق تەكسەرۋ اكتىسىندە كورسەتىلەدى.
حالىقتىڭ دەكرەتتەلگەن توبىنداعى ادامداردى گيگيەنالىق وقىتۋ قاعيدالارىنا 1-قوسىمشا
نىسان
جەكە مەديتسينالىق كىتاپشاعا گيگيەنالىق اتتەستاتتاۋ ناتيجەلەرىن ەنگىزۋگە ارنالعان ءمورتابان
مەكەمەنىڭ اتاۋى, بايلانىس دەرەكتەرى (ورنالاسقان جەرى, تەلەفونى)
______________________________________________________________________________________________
باعدارلاماسى بويىنشا گيگيەنالىق وقىتۋدى ءوتتى جانە اتتەستاتتالدى
20___ جىلعى «___»_________________
گيگيەنيست-ەپيدەميولوگ________ (ت.ا.ءا. قولى)
قازاقستان رەسپۋبليكاسى ۇلتتىق ەكونوميكا ءمينيسترىنىڭ
2015 جىلعى 24 ماۋسىمداعى №449 بۇيرىعىنا 2-قوسىمشا
حالىقتىڭ دەكرەتتەلگەن توبىنداعى ادامداردى گيگيەنالىق وقىتۋ باعدارلامالارى
№ تاقىرىپ اتاۋلارى ساعات سانى
1 2 3
1. قوعامدىق تاماقتانۋ وبەكتىلەرى, تاماق ونەركاسىبى جانە ساۋدا وبەكتىلەرىندە جۇمىس ىستەيتىن, ونىڭ ىشىندە مەديتسينالىق ۇيىمداردىڭ, ءبىلىم بەرۋ ۇيىمدارىنىڭ جانە ونەركاسىپ وبەكتىلەرىنىڭ اس بلوكتارى, كونديتەرلىك وندىرىستەر, بالالار ءسۇتحانالارى, ازىق-ت ۇلىك ساۋدا وبەكتىلەرى حالقىنىڭ دەكرەتتەلگەن توپتارىن, قىزمەتى ازىق-ت ۇلىك شيكىزاتىن, تاماق ونىمدەرى مەن جولاۋشىلاردى تاسىمالداۋمەن بايلانىستى ادامداردى گيگيەنالىق وقىتۋ باعدارلاماسى
1. حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى زاڭنامانىڭ نەگىزى. سانيتاريالىق قاعيدالاردىڭ جانە گيگيەنالىق نورماتيۆتەردىڭ تالاپتارىن ساقتاۋ ءۇشىن قىزمەتكەرلەردىڭ جاۋاپتىلىعى. ءتيىمدى تاماقتانۋ تۋرالى ۇعىم. تاماق ونىمدەرىن مەملەكەتتىك گيگيەنالىق تىركەۋ جانە رەگلامەنتتەۋ تۋرالى ۇعىم. تاماق ونىمدەرىن سەرتيفيكاتتاۋ تۋرالى ۇعىم. تاماق ونىمدەرىنىڭ ساپاسى مەن قاۋىپسىزدىگىنە قويىلاتىن گيگيەنالىق تالاپتار. 3
2. ينفەكتسيالىق اۋرۋلار تۋرالى ۇعىم. اۋرۋ تۋدىراتىن ميكروبتار جانە ولاردىڭ ادام اعزاسىنا ەنۋ جولدارى. ءىرىندى اۋرۋلار. ىشەك جانە قۇرت اۋرۋلارىنىڭ قوزدىرعىشتارى, ولاردىڭ بەرىلۋ جولدارى. باكتەريا تاسىمالداۋشىلىق. باكتەريالىق جانە باكتەريالىق ەمەس تۇرعىدان بولاتىن تاماقتان ۋلانۋ. ىشەك ينفەكتسيالىق اۋرۋلارىنىڭ جانە تاماقتان ۋلانۋلاردىڭ الدىن الۋ شارالارى. پروفيلاكتيكالىق مەديتسينالىق قاراپ-تەكسەرۋ. جەكە گيگيەنا قاعيدالارى. 3
3. ازىق-ت ۇلىك ساۋدا جانە قوعامدىق تاماقتانۋ كاسىپورىندارىن جايلاستىرۋعا جانە كۇتىپ-ۇستاۋعا قويىلاتىن سانيتاريالىق-ەپيدەميولوگيالىق تالاپتار. دەزينفەكتسيا, دەزينسەكتسيا, دەراتيزاتسيا تۋرالى ۇعىمدار. ساۋدا جابدىقتارىن, مۇكاممالدارىن, ىدىستارىن سانيتاريالىق وڭدەۋ رەجيمى. ساۋدا جانە قوعامدىق تاماقتانۋ كاسىپورىندارىندا ەپيدەميالىق تاۋەكەل ورىندارى. 3
4. تاماق ونىمدەرىن قابىلداۋ, ساقتاۋ جانە وتكىزۋ قاعيدالارى. تاماق ونىمدەرىنىڭ ساپاسىن جانە قاۋىپسىزدىگىن راستايتىن قۇجاتتاردىڭ تىزبەگى. تاماق ونىمدەرىنىڭ جارامدىلىق مەرزىمدەرى جانە ساقتاۋ مەرزىمدەرى تۋرالى ۇعىم. تاماق ونىمدەرىنىڭ ساپاسىزدىعىنىڭ نەگىزگى بەلگىلەرى. ساۋدا جەلىلەرىنەن كونديتەرلىك بۇيىمداردى كەرى قايتارۋ جونىندەگى سانيتاريالىق قاعيدالار. تەز بۇزىلاتىن تاماق ونىمدەرىن ساقتاۋ جانە وتكىزۋ شارتتارى. تاماق ونىمدەرىن تاڭبالاۋعا قويىلاتىن تالاپتار. تاماق ونىمدەرىن جىبەرۋگە قويىلاتىن سانيتاريالىق-ەپيدەميولوگيالىق تالاپتار. قاپتامالاۋ ماتەريالدارى. قۇجاتتامالاردىڭ بولۋى جانە جۇرگىزىلۋى. تاماق ونىمدەرىن تاسىمالداۋعا قويىلاتىن سانيتاريالىق-ەپيدەميولوگيالىق تالاپتار. 3
2. مەكتەپكە دەيىنگى, بالالار ساۋىقتىرۋ ۇيىمدارى, بالالار ۇيلەرى, مەكتەپ-ينتەرناتتار حالقىنىڭ دەكرەتتەلگەن توپتارىن گيگيەنالىق وقىتۋ باعدارلاماسى
5. حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى زاڭنامانىڭ نەگىزى. سانيتاريالىق قاعيدالاردىڭ جانە گيگيەنالىق نورماتيۆتەردىڭ تالاپتارىن ساقتاۋ ءۇشىن قىزمەتكەرلەردىڭ جاۋاپتىلىعى. مەكتەپ جاسىنا دەيىنگى بالالار مەكەمەلەرىن, ساۋىقتىرۋ لاگەرلەرىن, بالالار ۇيلەرىن جايلاستىرۋعا جانە كۇتىپ-ۇستاۋعا قويىلاتىن سانيتاريالىق-ەپيدەميولوگيالىق تالاپتار. اۋماقتى, توپتىق الاڭداردى, قۇمسالعىشتاردى, سپورت جابدىقتارىن كۇتىپ-ۇستاۋعا قويىلاتىن تالاپتار, توپتىق وقشاۋلاۋ قاعيداتتارى. اعىمداعى جانە كۇردەلى جيناۋ; جەلدەتۋ قاعيدالارى; جيناۋ مۇكاممالىنا, جۋ جانە دەزينفەكتسيالاۋ قۇرالدارىنا قويىلاتىن تالاپتار. توسەك ورىندى اۋىستىرۋ, ونى ساقتاۋ, كىر جۋ ورىندارىنا جەتكىزۋ, تاڭبالاۋ. قۇمىرالاردى جۋ, دارەتحانالاردى جيناۋ قاعيدالارى. توپتارداعى ىدىس-اياققا كۇتىم جاساۋ, ونى تاڭبالاۋ, شۇبەرەكتى جۋ, ساقتاۋ, وڭدەۋ قاعيدالارى. ويىنشىقتارعا كۇتىم جاساۋ. دەزقۇرالداردى جانە جۋ ەرىتىندىلەرىن دايىنداۋ. كۇن تارتىبىنە, دەنە شىنىقتىرۋدى ۇيىمداستىرۋعا قويىلاتىن گيگيەنالىق تالاپتار, بالالاردى شىنىقتىرۋ قاعيداتتارى. بالالاردى بوي-بويىمەن وتىرعىزۋعا قويىلاتىن گيگيەنالىق تالاپتار. 3
6. مەكتەپ ءۇي-جايلارىن كۇتىپ-ۇستاۋعا قويىلاتىن سانيتاريالىق-ەپيدەميولوگيالىق تالاپتار. كۇردەلى جيناۋدى جۇرگىزۋ قاعيدالارى. مەكتەپ-ينتەرناتتاردا توسەك ورىندى اۋىستىرۋ. پەرسونالدىڭ جەكە گيگيەناسى. وقۋ-تاربيە مەكەمەلەرىندەگى دەزينفەكتسيالىق رەجيم. ءۇي-جايلاردى اعىمداعى جانە كۇردەلى جيناۋ كەزىندە دەزقۇرالداردى قولدانۋ. تۇماۋمەن جانە ءجىتى رەسپيراتورلىق اۋرۋلارمەن سىرقاتتانۋشىلىقتىڭ ەپيدەميالىق كوتەرىلۋى كەزەڭىندەگى ەپيدەمياعا قارسى ءىس-شارالار. تەمپەراتۋرالىق رەجيمدى, ءۇي-جايلاردى جەلدەتۋ جانە رەكرەياتسيا رەجيمىن ساقتاۋ. ءۇي-جايلاردى جيناۋ ەرەكشەلىكتەرى. جەكە گيگيەنانى ساقتاۋ. 3
7. اۋماقتى جانە ءۇي-جايلاردى, اس بلوگىن, اس ءۇي مۇكاممالىن, ىدىس-اياقتاردى كۇتىپ ۇستاۋعا قويىلاتىن سانيتاريالىق-ەپيدەميولوگيالىق تالاپتار. وندىرىستىك جانە قوسالقى ءۇي-جايلاردى اعىمداعى جانە كۇردەلى جيناۋ قاعيدالارى, دەزينفەكتسيالىق, دەراتيزاتسيالىق جانە دەزينسەكتسيالىق ءىس-شارالار. جابدىقتارعا, مۇكاممالدارعا, اسحانا مەن اس ءۇيدىڭ ىدىس-اياقتارىنا قويىلاتىن سانيتاريالىق-ەپيدەميولوگيالىق تالاپتار. اسحانا مەن اس ءۇيدىڭ ىدىس-اياقتارىن جۋ قاعيدالارى. جۋ جانە دەزينفەكتسيالاۋ قۇرالدارىنا قويىلاتىن تالاپتار, ولاردى پايدالانۋ قاعيدالارى, اسحانا مەن اس ءۇيدىڭ ىدىس-اياقتارىن جۋ رەجيمى. ازىق-ت ۇلىك شيكىزاتىن اسپازدىق وڭدەۋگە قويىلاتىن سانيتاريالىق-ەپيدەميولوگيالىق تالاپتار, دايىن تاعامداردى ازىرلەۋ قاعيدالارى. شيكى جانە دايىن ءونىمدى وندەۋ. سالاتتاردى دايىنداۋ تەحنولوگياسى. دايىن تاعامداردىڭ ۆيتاميندەرىن ساقتاۋ جانە س-ۆيتاميندەۋ قاعيدالارى. قىزمەتتىك قۇجاتتامانى جۇرگىزۋ. تاماقتانۋ گيگيەناسى. ءتيىمدى تاماقتانۋدى ۇيىمداستىرۋ. بالالار ۇجىمدارىندا تاماقتان ۋلانۋدىڭ الدىن الۋ. تاماقتى ۇلەستىرۋ, دايىن تاعامدى تاراتۋ. جەكە گيگيەنا قاعيدالارىن ساقتاۋ. 3
8. بالالار مەكەمەسىندەگى ينفەكتسيالىق جانە پارازيتتىك اۋرۋلار. ەپيدەمياعا قارسى ءىس-شارالار. الدىن الۋ شارالارى. 3
3. مەديتسينالىق ۇيىمداردىڭ مەيىرگەرلەرىنىڭ كومەكشىلەرى ءۇشىن گيگيەنالىق وقىتۋ باعدارلاماسى
9. حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى زاڭنامانىڭ نەگىزى. سانيتاريالىق قاعيدالاردىڭ جانە گيگيەنالىق نورماتيۆتەردىڭ تالاپتارىن ساقتاۋ ءۇشىن قىزمەتكەرلەردىڭ جاۋاپتىلىعى. دەنساۋلىق ساقتاۋ وبەكتىلەرىنە قويىلاتىن سانيتاريالىق-ەپيدەميولوگيالىق تالاپتار. ءۇي-جايلاردى, جابدىقتاردى جانە مۇكاممالداردى سانيتاريالىق تۇرعىدان كۇتىپ-ۇستاۋ. 3
10. پەرسونالدىڭ قولىن وندەۋ قاعيدالارى. تەرى جانە شىرىشتى قابىقتار قانمەن نەمەسە باسقا دا بيولوگيالىق سۇيىقتىقتارمەن لاستانعان كەزدە, سونداي-اق ۋكول نەمەسە كەسىپ كەتۋ كەزىندەگى الدىن الۋ ءىس-شارالارى. ايتۆ* – ينفەكتسياسىنىڭ الدىن الۋ. «جيتس-كە** قارسى» ءاپاتتىدارى قوبديشاسىنىڭ قۇرامى. 3
11. مەديتسينالىق قالدىقتارمەن جۇمىس ىستەۋگە قويىلاتىن سانيتاريالىق-ەپيدەميولوگيالىق تالاپتار. مەديتسينالىق قالدىقتاردىڭ سىنىپتاماسى. مەديتسينالىق قالدىقتاردى جيناۋعا, ۋاقىتشا ساقتاۋ جاعدايىنا قويىلاتىن تالاپتار. مەديتسينالىق قالدىقتاردى زالالسىزداندىرۋ جانە/نەمەسە زارارسىزداندىرۋ تاسىلدەرى مەن ادىستەرى. 3
12 مەديتسينالىق ماقساتتاعى بۇيىمداردى ستەريلدەۋدى جانە دەزينفەكتسيالاۋدى جۇرگىزۋ جاعدايلارىنا قويىلاتىن سانيتاريالىق-ەپيدەميولوگيالىق تالاپتار. دەزينفەكتسيالىق, دەراتيزاتسيالىق جانە دەزينسەكتسيالىق ءىس-شارالار. قورىتىندى دەزينفەكتسيا. تەمپەراتۋرالىق رەجيمدى, ءۇي-جايلاردى جەلدەتۋ رەجيمىن, جيناۋ مۇكاممالىنا, جۋ جانە دەزينفەكتسيالاۋ قۇرالدارىنا قويىلاتىن تالاپتاردى ساقتاۋ. توسەك ورىندى اۋىستىرۋ. ينفەكتسيا جۇققان كيىم-كەشەكتى جۋ. 3
13. ناۋقاستاردىڭ تاماقتانۋىن ۇيىمداستىرۋعا قويىلاتىن سانيتاريالىق-ەپيدەميولوگيالىق تالاپتار. دايىن استى ۇلەستىرۋ. ىدىس-اياقتى وڭدەۋ. مەديتسينا ۇيىمدارى پەرسونالىنىڭ جانە پاتسيەنتتەردىڭ جەكە گيگيەناسى. 3
4. جابدىقتاۋ بريگادالارىنىڭ, تەمىرجول ۆوكزالدارىنىڭ, اەروۆوكزالداردىڭ, اۋەجايلاردىڭ, تەڭىز جانە وزەن ۆوكزالدارىنىڭ, اۆتوۆوكزالداردىڭ, مەتروپوليتەندەردىڭ جۇمىسكەرلەرى جانە جولاۋشىلار پوەزدارىنىڭ, وزەن, تەڭىز اۆياكولىكتىڭ جولسەرىكتەرىنە ارنالعان گيگيەنالىق وقىتۋ باعدارلاماسى
14. حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى زاڭنامانىڭ نەگىزى. سانيتاريالىق قاعيدالاردىڭ جانە گيگيەنالىق نورماتيۆتەردىڭ تالاپتارىن ساقتاۋ ءۇشىن جۇمىسكەرلەردىڭ جاۋاپتىلىعى. جولاۋشىلار پوەزدارىن, وزەن, تەڭىز جانە اۆياكولىگىن, جولاۋشىلارعا قىزمەت كورسەتۋ وبەكتىلەرىن (تەمىرجول ۆوكزالدارىن, اەروۆوكزالداردى, اۋەجايلاردى, تەڭىز جانە وزەن ۆوكزالدارىن, اۆتوۆوكزالداردى, مەتروپوليتەندەردى) كۇتىپ ۇستاۋعا جانە جابدىقتاۋعا, جابدىقتاۋ پۋنكتتەرىنىڭ جۇمىسىنا قويىلاتىن سانيتاريالىق-ەپيدەميولوگيالىق تالاپتار. اۋا-جىلۋ رەجيمى. جۇمىسكەرلەردى مىندەتتى تۇردە مەديتسينالىق قاراپ-تەكسەرۋ. 3
15. ءجىتى ىشەك ينفەكتسيالارى, اسا قاۋىپتى جانە كارانتيندىك ينفەكتسيالار, تاعامدىق ۋىتتى ينفەكتسيالار تۋرالى ۇعىم, كلينيكاسى جانە الدىن الۋ شارالارى. ميكروورگانيزمدەر تۋرالى ۇعىم جانە ينفەكتسيالىق اۋرۋلاردىڭ پايدا بولۋىنداعى ولاردىڭ ءرولى. ىشەك ينفەكتسيالارىنىڭ, گەلمينتوزداردىڭ, اۋا-تامشى ينفەكتسيالارىنىڭ, ۆەنەرولوگيالىق اۋرۋلاردىڭ, جيتس**, گەموكونتاكتىلى ينفەكتسيالاردىڭ, كارانتيندىك جانە اسا قاۋىپتى ينفەكتسيالاردىڭ الدىن الۋ. ينفەكتسيالىق اۋرۋى, اسا قاۋىپتى ينفەكتسيالارى جانە تاعامدىق ۋىتتى ينفەكتسيالارى بار ناۋقاستار انىقتالعان جاعدايدا ەپيدەمياعا قارسى ءىس-شارالار. 3
16. تاماق ونىمدەرىن ساقتاۋعا جانە تەز بۇزىلاتىن ونىمدەردى وتكىزۋ مەرزىمدەرىنە قويىلاتىن سانيتاريالىق-ەپيدەميولوگيالىق تالاپتار. تاماق ونىمدەرىن تاسىمالداۋ. دەزينفەكتسيالىق, دەراتيزاتسيالىق جانە دەزينسەكتسيالىق ءىس-شارالار. 3
17. جازاتايىم جاعدايلار كەزىندە زارداپ شەككەندەرگە العاشقى مەديتسينالىق كومەك كورسەتۋ. جەكە جانە قوعامدىق گيگيەنا. 3
5. سۋ قۇبىرى قۇرىلىستارىنىڭ جانە كارىز شارۋاشىلىعىنىڭ جۇمىسكەرلەرىن گيگيەنالىق وقىتۋ باعدارلاماسى
18. حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى زاڭنامانىڭ نەگىزى. سانيتاريالىق قاعيدالاردىڭ جانە گيگيەنالىق نورماتيۆتەردىڭ تالاپتارىن ساقتاۋ ءۇشىن جۇمىسكەرلەردىڭ جاۋاپتىلىعى. ادام ومىرىندەگى سۋدىڭ ماڭىزى. سۋدىڭ ەپيدەميولوگيالىق ماڭىزى. سۋمەن جابدىقتاۋ كوزدەرى, ولاردىڭ گيگيەنالىق سيپاتتاماسى. سۋ ارقىلى بەرىلەتىن ينفەكتسيالىق اۋرۋلاردىڭ الدىن الۋ. 3
19. جەر استى كوزدەرىنەن ورتالىقتاندىرىلعان سۋمەن جابدىقتاۋ جانە ولاردىڭ قۇرىلعىسىنا قويىلاتىن سانيتاريالىق تالاپتار. جەر ءۇستى سۋ كوزدەرىنەن ورتالىقتاندىرىلعان سۋمەن جابدىقتاۋ ەرەكشەلىكتەرى جانە ولاردىڭ قۇرىلعىلارىنا قويىلاتىن سانيتاريالىق-ەپيدەميولوگيالىق تالاپتار (جەر ءۇستى سۋ بوگەتتەرى بار قالالار ءۇشىن). 3
20. سۋ قۇبىرى جەلىسىنە قويىلاتىن سانيتاريالىق-ەپيدەميولوگيالىق تالاپتار, سۋ قۇبىرى قۇرىلىستارى مەن جەلىلەرىن دەزينفەكتسيالاۋ. سۋمەن جابدىقتاۋ كوزدەرىن جانە شارۋاشىلىق-اۋىز سۋمەن جابدىقتاۋ سۋ قۇبىرلارىن سانيتاريالىق قورعاۋ ايماقتارى. سانيتاريالىق قورعاۋ ايماقتارى اۋماعىنداعى سانيتاريالىق-گيگيەنالىق رەجيم. 3
21. ورتالىقتاندىرىلعان اۋىز سۋمەن جابدىقتاۋ جۇيەسىندەگى سۋدىڭ ساپاسىنا قويىلاتىن گيگيەنالىق تالاپتار. ساپاسىن باقىلاۋ. سۋمەن جابدىقتاۋ ورتالىقتاندىرىلماعان كەزدە سۋدىڭ ساپاسىنا قويىلاتىن تالاپتار. كوزدەردى سانيتاريالىق قورعاۋ. قۇدىقتى (كاپتاجدى) تازارتۋ, دەزينفەكتسيالاۋ ادىستەرى. 3
22. جۇمىسكەرلەردى مىندەتتى تۇردە مەديتسينالىق قاراپ تەكسەرۋ, جەكە گيگيەنا قاعيدالارى, ەڭبەك جاعدايى. 3
6. كوممۋنالدىق, تۇرمىستىق قىزمەت كورسەتۋ وبەكتىلەرى, شاشتاراز, كوسمەتولوگيا جانە كوسمەتيكالىق سالوندار حالقىنىڭ دەكرەتتەلگەن توپتارىن جانە مونشالاردىڭ, ساۋنالاردىڭ جانە باسسەيندەردىڭ جۇمىسكەرلەرىن گيگيەنالىق وقىتۋ باعدارلاماسى
23 حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى زاڭنامانىڭ نەگىزى. سانيتاريالىق قاعيدالاردىڭ جانە گيگيەنالىق نورماتيۆتەردىڭ تالاپتارىن ساقتاۋ ءۇشىن جۇمىسكەرلەردىڭ جاۋاپتىلىعى. شاشتارازداردى, سۇلۋلىق سالوندارىن جانە كوسمەتولوگيالىق كابينەتتەردى ورنالاستىرۋعا, جابدىقتاۋعا, جاراقتاندىرۋعا, كۇتىپ ۇستاۋعا قويىلاتىن سانيتاريالىق-ەپيدەميولوگيالىق تالاپتار. جۇمىس قۇرال-سايماندارىن, جۇمىس ۇستەلدەرىنىڭ ءۇستىن دەزينفەكتسيالاۋ ادىستەرى. تەرى, شاش, تىرناق اۋرۋلارى. جۇقپالى تەرى جانە پارازيتتىك اۋرۋلار جانە شاشتارازداردا ولاردىڭ تارالۋىنىڭ الدىن الۋ شارالارى. پارەنتەرالدى ۆيرۋستىق گەپاتيتتەردىڭ الدىن الۋ. جۇمىس ىستەيتىن ادامداردىڭ ەڭبەك جاعدايلارىنا قويىلاتىن سانيتاريالىق-ەپيدەميولوگيالىق تالاپتار, جۇمىسكەرلەردى مىندەتتى تۇردە مەديتسينالىق قاراپ-تەكسەرۋ. 3
24. مونشالاردىڭ گيگيەنالىق ماڭىزى. مونشا مەن ساۋنالاردى جايلاستىرۋعا, جابدىقتاۋعا, پايدالانۋعا جانە كۇتىپ-ۇستاۋعا قويىلاتىن سانيتاريالىق-ەپيدەميولوگيالىق تالاپتار. ۋچاسكەگە جانە اۋماققا قويىلاتىن گيگيەنالىق تالاپتار. جۇقپالى ينفەكتسيالىق اۋرۋلار. مونشادا ولاردىڭ تارالۋىنىڭ الدىن الۋ شارالارى. پارەنتەرالدى گەپاتيتتەردىڭ الدىن الۋ. دەزينفەكتسيالاۋ, دەزينسەكتسيالاۋ تەرميندەر مەن انىقتامالار. دەزينفەكتسيالاۋ, حيميالىق دەزينفەكتسيانى جۇرگىزۋ ءۇشىن پايدالانىلاتىن ادىستەر, جاڭا قۇرالدار. جۇمىسكەرلەردى مىندەتتى تۇردە مەديتسينالىق قاراپ- تەكسەرۋ, جەكە گيگيەنا قاعيدالارى, ەڭبەك جاعدايلارى. 3
25. تۇرعىن ءۇي-جايلاردى جانە قوناق ۇيلەردىڭ ورتاق پايدالانىلاتىن ءۇي-جايلارىن كۇتىپ-ۇستاۋ, جيھازدى كۇتىپ-ۇستاۋ بويىنشا سانيتاريالىق-ەپيدەميولوگيالىق تالاپتار, قوناق ۇيلەردىڭ توسەك ورىن شارۋاشىلىعىنا قويىلاتىن تالاپتار. ينفەكتسيالىق اۋرۋلار, ولاردىڭ تارالۋ جولدارى مەن تاسىلدەرى تۋرالى ۇعىم. دەزينفەكتسيالاۋ, حيميالىق دەزينفەكتسيانى جۇرگىزۋ ءۇشىن پايدالانىلاتىن ادىستەر, جاڭا قۇرالدار. دەزينسەكتسيالاۋ, دەراتيزاتسيالاۋ, تەرميندەر مەن انىقتامالار. اسا قاۋىپتى ينفەكتسيالار انىقتالعان جاعدايداعى پەرسونالدىڭ ارەكەتى. جۇمىسكەرلەردى مىندەتتى تۇردە مەديتسينالىق قاراپ تەكسەرۋ, جەكە گيگيەنا قاعيدالارى, ەڭبەك جاعدايلارى. 3
26. كىر جۋ ورىندارىن (وندىرىستىك ءۇي-جايلار, تۇرمىستىق ءۇي-جايلار, ءۇي-جايلاردى ىشكى ارلەۋ, سانيتاريالىق-تەحنيكالىق جابدىقتاۋ) جايلاستىرۋعا جانە جابدىقتاۋعا قويىلاتىن سانيتاريالىق-ەپيدەميولوگيالىق تالاپتار. كىر جۋ ورىندارىن پايدالانۋعا قويىلاتىن سانيتاريالىق-ەپيدەميولوگيالىق تالاپتار. ينفەكتسيالىق اۋرۋلار, ولاردىڭ تارالۋ جولدارى مەن تاسىلدەرى تۋرالى ۇعىم. اۋا-تامشى, ىشەك, پارازيتتىك, جۇقپالى تەرى ينفەكتسيالارى جانە ءترانسميسسيۆتى جولمەن (قان ارقىلى) بەرىلەتىن ينفەكتسيالار, اسا قاۋىپتى ينفەكتسيالار. دەزينفەكتسيا, ونىڭ ادىستەرى. كىر جۋ ورىندارىندا قولدانىلاتىن دەزينفەكتسيالاۋ ادىستەرى. دەزينسەكتسيالاۋ, دەراتيزاتسيالاۋ, تەرميندەر مەن انىقتامالار. جۇمىسكەرلەردى مىندەتتى مەديتسينالىق قاراپ تەكسەرۋ, جەكە گيگيەنا قاعيدالارى, ەڭبەك جاعدايلارى. 3
27. ءجۇزۋ باسسەيىندەرىن پايدالانۋ رەجيمدەرىنە قويىلاتىن سانيتاريالىق-ەپيدەميولوگيالىق تالاپتار. زارارسىزداندىرۋ ادىستەرى, ءۇي-جايلاردى جانە ۆاننالاردى جيناۋعا جانە دەزينفەكتسيالاۋعا قويىلاتىن تالاپتار. ءجۇزۋ باسسەيندەردەگى سۋدىڭ ساپاسىنا قويىلاتىن تالاپتار. ينفەكتسيالىق اۋرۋلار, ولاردىڭ تارالۋ جولدارى مەن تاسىلدەرى تۋرالى ۇعىم. اۋا-تامشى, ىشەك, جۇقپالى تەرى جانە پارازيتتىك ينفەكتسيالار, ءترانسميسسيۆتى جولمەن بەرىلەتىن ينفەكتسيالار. دەزينفەكتسيالاۋ, تۇرلەرى مەن ادىستەرى. جاڭا دەزينفەكتانتتار. دەراتيزاتسيا جانە دەزينسەكتسيا, تەرميندەر مەن انىقتامالار. وندىرىستىك باقىلاۋ. 3
* ايتۆ – ادامنىڭ يممۋن تاپشىلىعى ۆيرۋسى
** جيتس – جۇقتىرىلعان يممۋن تاپشىلىعى سيندرومى
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 22 شىلدەدە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11714 بولىپ ەنگىزىلدى.